Ísraelsmenn ákváðu í nótt að hefna fyrir árásir Írans á landið um liðna helgi og var greint frá því í morgun að tvö ísraelsk flugskeyti hafi hæft Íran í nótt.
Hlutabréfamarkaðir í Asíu tóku væna dýfu eftir að fregnir bárust af árásinni og féll Nikkei vísitalan í Japan um 2,7%. Úrvalsvísitölur Hong Kong, Suður-Kóreu og Taívan lækkuðu allar á bilinu 1% til 3,8%.
Samkvæmt The Wall Street Journal eru hlutabréfavísitölur Bandaríkjanna einnig að lækka í framvirkum samningum.
Verðið á Brent hráolíu rauk upp um 4% í fyrstu viðskiptum í Asíu og þá hafa fjárfestar verið að leita í mun meira magni en venjulega í stöðuga gjaldmiðla líkt og Bandaríkjadal, svissneska franka og japönsk jen.
Verðið á Brent hráolíu hefur lækkað að nýju í morgun eftir að greint var frá því árásin hefði ekki verið mannskæð.
