Kaup Haga og Regins á hlutafé í fasteignaþróunarfélaginu Klasa ehf. hafa verið frágengin og greiddu félögin fyrir nýja hluti í Klasa með afhendingu eigna. Samkeppniseftirlitið lagði blessun sína á viðskiptin síðasta sumar í kjölfar sáttar sem undirrituð var á milli eftirlitsins og Haga. Eigendur Klasa eftir viðskiptin eru Reginn, Hagar og KLS eignarhaldsfélag, hvert með sinn þriðjung hlutafjár.