Rekstrarhagnaður Hörpu tónlistar- og ráðstefnuhúsi ohf. Í fyrra nam 197,6 milljónum króna fyrir afskriftir og fjármagnsliði sem er um 44% betri afkoma en árið á undan.
Bókfært tap nam þó 65,5 milljónum króna. Í ársuppgjöri segir að rekstrarniðurstaðan hafi verið umtalsvert betri en áætlun gerði ráð fyrir.
Gróska í viðburðarhaldi og stöðugleiki í rekstri einkenndu starfsemina en haldnir voru tæplega 1400 viðburðir í Hörpu á síðasta ári og er það um 10% vöxtur á milli ára.
Rekstrartekjur samstæðunnar jukust um 4,4% á milli ára og námu tæplega 1,7 milljörðum króna. Rekstrarframlög eigenda, íslenska ríkisins og Reykjavíkurborgar lækkuðu um 16,8% á milli ára eða 127,6 milljónir.
Heildartekjur með framlögum eigenda námu því um 2,3 milljörðum Rekstrargjöld hækkuðu um 5,5% og segir í að uppgjöri að það verði að teljast viðunandi árangur í ljósi verðbólgu.
Heimsóknir voru 1,2 milljónir á árinu sem gerir Hörpu einn vinsælasti áfangastað ferðamanna í Reykjavík.
Heildarvelta miðasölu vegna viðburða ársins 2023 í Hörpu nam um 1.256 m.kr. og þegar veltan í veitingaþjónustu og verslun í Hörpu er einnig talin fer nærri að innanhússhagkerfið losi um 5 milljarða.
Heimsóknir voru 1,2 milljónir á árinu sem gerir Hörpu einn vinsælasti áfangastað ferðamanna í Reykjavík.
Heildarvelta miðasölu vegna viðburða ársins 2023 í Hörpu nam um 1.256 m.kr. og þegar veltan í veitingaþjónustu og verslun í Hörpu er einnig talin fer nærri að innanhússhagkerfið losi um 5 milljarða.
„Starfsemin í Hörpu er fjölbreytt og skyldurnar margar. Stóru verkefnin og okkar helsta áhersla er samfélagsleg verðmætasköpun þó að auðvitað ætlum við alltaf að standa fyrir ábyrgð í rekstri. Á síðasta rekstrarári náði öflugur hópur í Hörpu frábærum árangri á báðum sviðum, viðburðir hússins tala sínu máli og rekstrarniðurstaðan er í raun eins góð og hún getur orðið miðað við þá rekstrarumgjörð sem húsinu er búin. Allt hvílir þetta á því að við eigum stórhuga og metnaðarfullt stjórnmálafólk sem hefur hugrekki til að standa með menningu og uppbyggingu á þessu sviði, líka á erfiðum tímum. Við það búum við enda er samtalið við eigendur traust og gott,“ segir Ingibjörg Ösp Stefánsdóttir, endurkjörin formaður stjórnar Hörpu.
„Rauður þráður í starfsemi Hörpu er að fara vel með auðlindir og umhverfi og rækja okkar menningarlega hlutverk af heilindum. Það er ánægjulegt að gefa út annað árið í röð árs- og sjálfbærniskýrslu Hörpu sem endurspeglar ríka áherslu félagsins á samfélagsábyrgð og sköpun verðmæta fyrir eigendur okkar sem eru allir landsmenn. Markmið okkar er að húsið sé framúrskarandi vettvangur fyrir fjölbreytta viðburði sem njóta kosta Hörpu sem heimssvið og heimavöllur. Meðal fjölmargra viðburða síðasta árs sem teljast til sérstakra tíðinda má nefna tónleika fiðlustjörnunnar Anne-Sophie Mutter og The Mutter Virtuosi á vegum Hörpustrengja og leiðtogafund Evrópuráðsins sem hvor um sig undirstrikaði mikilvægi húss eins og Hörpu fyrir menningarlíf og virka þátttöku Íslands í samfélagi þjóðanna,“ segir Svanhildur Konráðsdóttir forstjóri Hörpu.