Frosti Bergsson endurkjörinn stjórnarformaður Sjóvár

Sjóvá-Almennar tryggingar hf. hélt aðalfund sinn föstudaginn 29. apríl.  Á fundinum var ársreikningur fyrir árið 2010 samþykktur, en Viðskiptablaðið greindi frá niðurstöðu síðasta rekstrarár í frétt 15. mars síðastliðinn. Einnig var stjórnarkjör þar sem allir stjórnarmenn voru endurkjörnir.

Stjórn Sjóvár skipa:

• Frosti Bergsson stjórnarformaður
• Haukur C. Benediktsson varformaður
• Erna Gísladóttir
• Heimir V. Hannesson
• Þórhildur Helgadóttir

Varamenn voru kosnir :

• Birgir Birgisson
• Eiríkur Jóhannesson
• Ingi Jóhann Guðmundsson
• Ingvi Hrafn Óskarsson
• Tómas Kristjánsson

Eins og fram kom í mars skilaði Sjóvá 811 milljóna króna hagnaði á árinu 2010.  Arðsemi eigin fjár var rúm 6,8% á tímabilinu.  Eigið fé Sjóvár nam 12,3 milljörðum króna í lok árs og var eiginfjárhlutfallið 33,6%. Heildartekjur félagsins á árinu námu 12,3 milljörðum, þar af voru iðgjöld 10,9 milljarðar og afkoma af fjármagnsliðum 1,3 milljarðar.