Forsætisráðuneytið bauð til ráðstefnu á Grand Hotel í gær um framtíð íslenskrar peningastefnu. Dr. Ásgeir Jónsson, dósent við hagfræðideild Háskóla Íslands (HÍ) og formaður nefndar um endurskoðun á ramma peningastefnunnar, kynnti þar niðurstöður skýrslu nefndarinnar, Framtíð íslenskrar peningastefnu. Auk Ásgeirs áttu Ásdís Kristjánsdóttir, forstöðumaður efnahagssviðs Samtaka atvinnulífsins (SA), og Illugi Gunnarsson, fyrrverandi ráðherra, sæti í nefndinni.
Á ráðstefnunni gerðu erlendir sérfræðingar einnig grein fyrir ráðgjöf sinni til stjórnvalda um umbætur á peningastefnunni. Í lokin voru pallborðsumræður með Ásgeiri Jónssyni og erlendum sérfræðingum.
Katrín Jakobsdóttir, forsætisráðherra setti fundinn.
Ásgeir Jónsson, dósent við hagfræðideild Háskóla Íslands og formaður starfshópsins, kynnti niðurstöður skýrslunnar.
Patrick Honohan, fyrrverandi seðlabankastjóri Írlands, flutti erindi um reynslu Íslands af verðbólgumarkmiði og reifaði hugsanlegar umbætur. Honohan skrifaði skýrslu um málið ásamt Athanasios Orphanides, prófessor við MIT og fyrrum seðlabankastjóra Kýpur.
Kristin J. Forbes, hagfræðiprófessor við MIT, fjallaði um beitingu fjármálastöðugleikatækja.
Lars Jonung, hagfræðiprófessor við Háskólann í Lundi, fjallaði um íslenska peningastefnu í norrænum samanburði ásamt Fredrik N. G. Andersson, dósent við hagfræðideild sama skóla.
Már Guðmundsson seðlabankastjóri.
Gylfi Zoega, hagfræðiprófessor við Háskóla Íslands og meðlimur peningastefnunefndar Seðlabankans.
Gylfi Magnússon, dósent við viðskiptafræðideild Háskóla Íslands.
Lilja Dögg Jónsdóttir, hagfræðingurm stýrði fundinum.
Fredrik N. G. Andersson, dósent við hagfræðideild Háskólans í Lundi.
Ashoka Bhatia, formaður sendinefndar Alþjóðagjaldeyrissjóðsins á Íslandi.
Hersir Sigurgeirsson, dósent í fjármálum við viðskiptafræðideild Háskóla Íslands.
Arnór Sighvatsson, aðstoðarseðlabankastjóri.
Halldór Benjamín Þorbergsson, framkvæmdastjóri Samtaka atvinnulífsins.