Munurinn á ávöxtunarkröfu verð tryggðra og óverðtryggðra skuldabréfa, sem er gjarna notaður sem mælikvarði á verðbólguvæntingar fjárfesta, hefur aukist verulega síðustu misserin. Munurinn á ávöxtunarkröfu verðtryggða skuldabréfaflokksins RIKS 21 0414 og óverðtryggða flokksins RIKB 22 1026 var til að mynda 2,7% í lok janúar en 4,3% í upphafi þessarar viku. Ávöxtunarkrafa er mælikvarði á verð skuldabréfa og fer að miklu leyti eftir væntingum um verðbólgu og stýrivexti.
Væntingar um aukna verðbólgu hafa gjarna í för með sér aukna eftirspurn eftir verðtryggðum skuldabréfum, sem hækkar verð þeirra og lækkar ávöxtunarkröfuna. Væntingar um að Seðlabankinn bregðist við verð bólgu með því að hækka stýrivexti leiðir gjarna til hærri ávöxtunarkröfu á óverðtryggðum bréfum.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .