Hlutabréfaverð fjarskiptafyrirtækisins Nova hækkaði um rúm 3% í viðskipum dagsins í um 315 milljón króna veltu.
Gengi Sýnar hækkaði einnig um 3% í viðskiptum dagsins í um 45 milljón króna viðskiptum.
Mesta veltan var með bréf Arion Banka en gengið hreyfðist lítið í 1,1 milljarðs króna viðskiptum.
Hlutabréf líftæknilyfjaframleiðandans Alvotech hækkaði um tæp 2% og nálgast gengið 2.000 krónurnar að nýju eftir töluverða lækkun síðustu vikur. Hátt í 500 milljón króna velta var með bréf félagsins og var dagslokagengið 1.920 krónur.
Alvotech sendi frá sér Kauphallartilkynningu fyrir opnun markaða þar sem félagið greindi frá jákvæðum niðurstöðum klínískra rannsókna á AVT05, fyrirhugaðri líftæknilyfjahliðstæðu við Simponi og Simponi Aria (golimumab).
„Umsóknir um markaðsleyfi fyrir AVT05 á stórum alþjóðlegum mörkuðum verða lagðar inn síðar á árinu,” sagði Róbert Wessmann forstjóri Alvotech í tilkynningunni.
Úrvalsvísitalan OMXI 15 hækkaði um 0,17% og var heildarvelta á markaði 4,2 milljarðar.