Viðskiptablaðið hafði samband við nokkra einstaklinga í mismunandi greinum, spurði þá hvernig þeim fannst árið og hvað þeir vilja sjá á nýju ári.
Daníel Svavarsson, forstöðumaður hagfræðideildar Landsbankans.
Hvernig var árið?
Árið var gott miðað við undanfarin tvö ár. Það sér fyrir endann á samdrættinum í efnahagslífinu og dregið hefur úr atvinnuleysi.
Hvað var vel gert?
Skuldabréfaútgáfa ríkissjóðs í dollurum í sumar var talsvert afrek og sæmilegur árangur hefur náðst í ríkisfjármálunum. Mikill vaxtarbroddur í ferðaþjónustu á Íslandi.
Hvað var slæmt?
Áætlun um afnám gjaldeyrishaftanna hefur gengið seint og illa og Seðlabankanum hefur ekki tekist nægilega vel að hafa bönd á verðbólgunni. Þróunin í ríkisfjármálunum bæði í Evrópu og Bandaríkjunum veldur verulegum áhyggjum og gæti haft umtalsverð neikvæð áhrif hérlendis.
Hvað viltu sjá á nýju ári?
Lága og stöðuga verðbólgu, minna atvinnuleysi, aukna bjartsýni og meiri fjárfestingar...
Fleiri ummæli má sjá í Áramótum, tímariti Viðskiptablaðsins sem kom út á milli jóla- og nýárs.