Úrvalsvísitala Kauphallar Nasdaq Iceland lækkaði um 1,84% í viðskiptum dagsins og stendur hún nú í 1830,80 stigum eftir rúmlega 1,8 milljarða viðskipti.
Gengi bréfa Eikar fasteignafélags lækkaði um 3,17% í 138 milljóna viðskiptum, Haga um 2,52% í 158 milljóna viðskiptum og Icelandair Group um 2,34% í 213 milljóna viðskiptum.
Gengi bréfa Össurar hækkaði um 0,66% og Nýherja um 0,15% en lítil velta var með bréf þessara félaga.
Mest velta var í viðskiptum með bréf Marel sem lækkuðu um 1,8% í 341 milljóna króna viðskiptum.
