Niðurstöður skýrslu PwC gefa til kynna að meðaltal heildarlauna hækkaði um 6,1% á milli ára í fyrra.
Ljósmynd: Haraldur Guðjónsson
Deila
PwC hélt morgunfund í vikunni til að kynna nýja skýrslu um markaðslaun á Íslandi. Helstu niðurstöður skýrslunnar gefa til kynna að meðaltal heildarlauna hafi hækkað um 6,1% frá árinu 2012 til 2013 en þau voru 568.368 kr. árið 2013.
Í skýrslunni kemur einnig fram að heildarlaun hækkuðu umfram ársverðbólgu á sama tímabili og er talið að þetta gefi vísbendingu um að hagkerfið sé á réttri leið.
