*

mánudagur, 27. september 2021
Erlent 26. febrúar 2018 14:32

McKinsey skiptir um forstjóra

Kevin Sneader var kosinn nýr forstjóri McKinsey af 560 meðeigendum fyrirtækisins en hann tekur við af Dominic Barton.

Ritstjórn
Kevin Sneader hefur verið kosinn nýr forstjóri McKinsey.
Aðsend mynd

Kevin Sneader hefur verið kosinn nýr forstjóri hjá McKinsey á heimsvísu en forstjórinn er kosinn af 560 meðeigendum fyrirtækisins. McKinsey er stærsta ráðgjafafyrirtæki í heiminum en valið á nýjum forstjóra tók fjóra mánuði og mikil samkeppni var um stöðuna.

Sneader tekur við af Dominic Barton, sem gegnt hefur stöðunni undanfarin níu ár. Barton kom hingað til lands í september á síðasta ári og flutti erindi á 100 ára afmæli Viðskiptaráðs í Háskólabíói. Barton hafði gegnt forstjórastöðunni í þrjú kjörtímabil og mátti því ekki gefa kost á sér aftur.

Sneader sem er Breti tekur við góðu búi en á undanförnum tíu árum hafa tekjur McKinsey tvöfaldast og hækkað úr 5 milljörðum dala í 10 milljarða dala. Snaeder sigraði Bob Sternfels í lokaumferð kosninganna en hann verður 12 maðurinn til þess að stýra félaginu síðan það var stofnað árið 1926.