Jón Karl Ólafsson, forstjóri Prima Air og fyrrv. forstjóri Icelandair Group, mun skipa 12. sæti á lista Sjálfstæðisflokksins fyrir komandi borgarstjórnarkosningar.
Viðskiptablaðið greindi frá því fyrir tveimur vikum að Jón Karl hygðist taka sæti á lista flokksins. Haldi flokkurinn sama fylgi í kosningunum og hann hefur nú mun Jón Karl þannig verða varaborgarfulltrúi
Hanna Birna Kristjánsdóttir, borgarstjóri, mun skipa fyrsta sæti listans og Júlíus Vífill Ingvarsson annað sæti. Röðum frambjóðenda er óbreytt í 11 efstu sætum miðað við nýliðið prófkjör flokksins. Nokkur breyting hefur þó verið á sætunum þar fyrir neðan en enginn þeirra aðila sem lentu neðar í prófkjörinu eru á lista flokksins.
Í 13. sæti Rúna Malmquist, viðskiptafræðingur og í 14. sæti er Árni Helgason, lögmaður og formaður Heimdallar. Heiðurssæti listans skipar Vilhjálmur Þ. Vilhjálmsson, fyrrv. borgarstjóri.
Listinn er annars þannig skipaður:
- Hanna Birna Kristjánsdóttir, borgarstjóri
- Júlíus Vífill Ingvason, borgarfulltrúi
- Kjartan Magnússon, borgarfulltrúi
- Þorbjörg Helga Vigfúsdóttir, borgarfulltrúi
- Gísli Marteinn Baldursson, borgarfulltrúi
- Geir Sveinsson, framkvæmdastjóri
- Áslaug Friðriksdóttir, framkvæmdastjóri
- Jórunn Frímannsdóttir, borgarfulltrúi og hjúkrunarfræðingur
- Hildur Sverrisdóttir, lögfræðingur
- Marta Guðjónsdóttir, varaborgarfulltrúi og kennari
- Björn Gíslason, slökkviliðsmaður
- Jón Karl Ólafsson, forstjóri
- Rúna Malmquist, viðskiptafræðingur
- Árni Helgason, lögmaður og formaður Heimdallar
- Sveinn H Skúlason, framkvæmdastjóri
- Ingibjörg Óðinsdóttir, mannauðsstjóri hjá SKÝRR
- Óskar Örn Guðbrandsson, framkvæmdastjóri Styrktarfélags krabbameinssjúkra barna
- Pawel Bartoszek, stærðfræðingur og kennari við Háskólann í Reykjavík
- Jarþrúður Ásmundsdóttir, sérfræðingur
- Þorbjörn Jensson, rafvirki
- Magnús Júlíusson, verkfræðinemi
- Nanna Kristín Tryggvadóttir, háskólanemi
- Helga Steffensen, brúðuleikhússtjóri
- Sindri Ástmarsson, útvarpsmaður og nemi
- Ragnhildur Pála Ófeigsdóttir, sérkennari
- Brynhildur Andersen, húsmóðir
- Margrét Kr. Sigurðardóttir, viðskiptafræðingur og fjármálastjóri mæðrastyrksnefndar Reykjavíkur
- Sigurbjörn Magnússon, hæstaréttalögmaður
- Unnur Arngrímsdóttir, danskennari
- Vilhjálmur Þ. Vilhjálmsson, forseti borgarstjórnar
