Úrvalsvísitala Kauphallarinnar hækkaði um 1,22% í dag og endaði í 1.201,45 stigum. Öll íslensku félögin í Kauphöllinni hækkuðu í verði í dag og nam veltan 1.176 milljónum króna. Gengi bréfa Icelandair hækkaði um 2,52%, bréfa Haga um 2,19% og Fjarskipta um 2,09%.
Skuldabréfavísitala GAMMA lækkaði um 0,40% í viðskiptum dagsins í dag. Þar af lækkaði verðtryggði hluti vísitölunnar um 0,42% og sá óverðtryggði um 0,34%. Velta á skuldabréfamarkaði í dag nam 7,35 milljörðum króna. Samtals lækkaði skuldabréfavísitalan um 0,63% í vikunni. Verðtryggði hlutinn lækkaði um 0,72% og sá óverðtryggði um 0,37%.
