*

föstudagur, 22. janúar 2021
Erlent 13. nóvember 2020 08:08

Vonir um góð ferðajól fara dvínandi

Bandarísku flugfélög vara við því að mikil aukning kórónuveirusmita vestanhafs geti dregið úr ferðalögum yfir hátíðarnar.

Ritstjórn
Ed Bastian, forstjóri Delta Air Lines.
epa

Bandarísku flugfélögin Delta Air Lines og Southwest Airlines hafa varað við því að mikil aukning kórónuveirusmita vestanhafs geti haft neikvæð áhrif á ferðalög yfir hátíðarnar. Innan fluggeirans lifðu vonir um að bókanir tækju aðeins við sér á ný yfir hátíðarnar en það að faraldurinn hafi sótt í sig veðrið gæti farið langt með að slökkva í þeim vonum. Reuters greinir frá.

Í gær höfðu ekki greinst jafn mörg kórónuveirusmit á einum degi og var það í annan daginn í röð sem smitin náðu hámarki. Að auki hefur talan yfir fjölda á sjúkrahúsum vegna veirunnar aldrei verið hærri.

„Nú þegar kórónuveirusmitin hafa rofið 10 milljóna múrinn í Bandaríkjunum og tilfellum fer fjölgandi í Evrópu og víðar um heim, bendir allt til þess að krefjandi vetur framundan," segir Ed Bastian, forstjóri Delta, í bréfi til starfsmanna.