Lánardrottnar SMI ehf., sem áður var í meirihlutaeigu Færeyingsins Jákup á Dul Jacobsen, hafa afskrifað 3,9 milljarða króna af skuldum félagsins og eignast meirihluta í því. Félagið á Korputorg, Glerártorg á Akureyri og húsnæði Rúmfatalagersins í Skeifunni. Þá eru fasteignir í Lettlandi og Litháen í eigu félagsins.
Jákup er stofnandi og stærsti eigandi Rúmfatalagersins. Hann var skráður eigandi að 82% hlut í SMI í lok árs 2010 en félagi hans og nafni, Jákup N. Purkhús, var skráður fyrir 14% hlut. Í uppgjöri fyrirtækisins fyrir síðasta ár á Arion banki hins vegar 39%, nýi Landsbankinn 35% og Jákup á Dul 18%. Nafni hans átti engan hlut í SMI á síðasta ári.
Fram kemur í Viðskiptablaðinu sem kemur út á morgun að Arion banki stefni á að selja hlut sinn í fasteignafélaginu þegar tækifæri gefst til þess og þegar ásættanlegt verð fæst fyrir hann.
Ítarlega er fjallað um málið í Viðskiptablaðinu sem kemur út á morgun. Meðal annars efnis í blaði morgundagsins er:
- 365 miðlar greiða tugmilljónir í ráðgjafagreiðslur
- Skýrsla úttektarnefndar um Orkuveituna - fjallað er um helstu atriði
- Eimskip siglir á markað í nóvember
- Ný samtök atvinnulífsins enn á beinni braut
- Sigurður Einarsson gagnrýnir eftirlýsinguna
- Ódýrara að fara með strætó norður í land
- Vodafone býr sig undir skráningu á markað
- Seðlabankinn á eftir að setja reglur um undanþágur frá höftum
- Haukur Hafsteinsson, framkvæmdastjóri LSR, segir B-deild lífeyrissjóðsins tæmast verði ekkert gert
- Sigríður Benediktsdóttir ræðir um Fjármálastöðugleikann
- Allt um Windows 8-stýrikerfið og ýmislegt annað um tækni
- Tæknifyrirtækið Amivox lækkar reikninginn fyrir millilandasímtöl
- Fótbolt, sport og peningar eru á sínum stað
- Nærmynd af Hagkaupsbræðrunum Jón og Sigurði Gísla Pálmasyni
- Óðinn skrifar um ósjálfbæra skuldastöðu ríkisins
- Huginn & Muninn eru á sínum stað auk Týs sem skrifar um skattaútreikninga Stefáns Ólafssonar
- Myndasíður, pistlar og margt, margt fleira.