Allir tollar, að tollum á matvæli undanskyldum, verða úr sögunni þann 1. janúar 2017 ef fjármálaráðherra nær markmiðum sínum. Þetta kemur fram í Morgunblaðinu í dag.
Jafnframt kemur fram að afnám tolla á fatnað og skó sem hafi verið boðað þann 1. janúar næstkomandi muni verða til þess að sex milljörðum minna innheimtist í ríkissjóð en ella. Eftir sem áður muni tekjur ríkissjóðs vaxa.
„Þessar aðgerðir eru hugsaðar til þess að lækka vöruverð, auka gegnsæi í verðmyndun, bæta samkeppnishæfni og auka skilvirkni og nýta þannig betur framleiðsluþættina,“ er haft eftir Bjarna í Morgunblaðinu.