Mark Zuckerberg, forstóri og stofnandi Facebook, hefur líkt og svo margir aðrir strengt áramótaheit.
Meðal þess sem Zuckerberg ætlar að áorka á árinu 2016 er að hanna einfalda gervigreind til að stjórna heimilinu og aðstoða hann við vinnuna. Hann líkir gervigreindinni við Jarvis, sem aðstoðar Tony Stark í Iron Man kvikmyndunum. Til að ná þessu fram ætlar hann m.a. að setja raddstýringu á tónlist, lýsingu og hitastýringu á heimilinu auk þess á hún að þekkja andlit vina Zuckerberg þegar þeir hringja dyrabjöllunni.
Auk þess ætlar hann að lesa tvær bækur í hverjum mánuði, læra mandarín kínversku og að hitta nýja manneskju á hverjum degi.
