*

þriðjudagur, 18. janúar 2022
Erlent 14. janúar 2022 09:31

Bain og CVC bjóða saman í Boots

Bain Capital og CVC Capital Partners undirbúa sameiginlegt tilboð í Boots en kaupverðið gæti numið 5-6 milljörðum dala.

Ritstjórn
epa

Fjárfestingarsjóðirnir Bain Capital, stærsti hluthafi Icelandair, og CVC Capital Partners eru að undirbúa sameiginlegt yfirtökutilboð í bresku lyfjaverslunarkeðjuna Boots. Greiningaraðilar telja að kaupverðið gæti hljóðað upp á allt að 5-6 milljarða dala. SkyNews segir frá. 

Í lok síðasta árs var greint var því að móðurfélag Boots, Walgreens Boots Alliance (WBA) væri að íhuga sölu á lyfjaversluninni og hefði ráðið Goldman Sachs sem ráðgjafa. WBA íhugar einnig að skrá félagið á markað og gæti enn ákveðið að hætta við söluna. 

Auk Bain og CVC eru nú nokkur fjárfestingarfélög að íhuga þátttöku í söluferlinu. Hins vegar er talið að Bain Capital og CVC séu líklegust til að fá tilboð sitt samþykkt. 

Boots rekur um 2.200 verslanir og er með yfir 50 þúsund starfsmenn.