Sjóðir í stýringu bandaríska fjárfestingarfélagsins Eaton Vance hafa selt tæplega 8 milljón hluti í fasteignafélaginu Eik fyrir tæplega 65 milljónir, ef miðað er við 8,11 króna gengi bréfa félagsins þegar þetta er skrifað.
Við söluna fór hlutdeild Eaton Vance í félaginu niður fyrir 5% markið, niður í 4,85%, en eftir söluna á það enn um 168 milljón hluti í fasteignafélaginu.
Miðað við sama gengi nemur andvirði hlutanna 1.362 milljónum króna. Það sem af er degi hefur gengi Eik hækkað um 0,06% í 69 milljóna króna viðskiptum.
