Eygló Harðardóttir alþingismaður bar sigurorð af Willumi Þór Þórssyni, framhalds- og háskólakennara, við val á framboðslista Framsóknarmanna í Suðvesturkjördæmi. Eygló var kjörin í fyrsta sæti en Willum í annað sætið.
Framsóknarmenn í Suðvesturkjördæmi völdu sér lista á tvöföldu kjördæmisþingi sem lauk um miðjan dag í dag.
Efstu fimm sæti listans raðast þannig:
- Eygló Harðardóttir, alþingismaður
- Willum Þór Þórsson, framhalds- og háskólakennari
- Þorsteinn Sæmundsson, rekstrarhagfræðingur
- Sigurjón N. Kjærnested, vélaverkfræðingur
- Ólöf Pálína Úlfarsdóttir, náms- og starfsráðgjafi
