Fimm íslenskir blaðamenn hafa verið tilnefndir sem „Startup Journalist of the Year“ eða „Nýsköpunar blaðamaður ársins“ á Nordic Startup Awards .
Þeir sem eru tilnefndir eru Edda Hermannsdóttir, blaðamaður á Viðskiptablaðinu, Ásgeir Ingvarsson, blaðamaður á Morgunblaðinu, Birgir Þór Harðarson, blaðamaður á Kjarnanum, Magnús Halldórsson, blaðamaður á Kjarnanum og Þórður Snær Júlíusson, blaðamaður á Kjarnanum.
Verðlaunin eru í tveimur hlutum, fyrst eru undanúrslit í hverju landi þar sem fólk getur kosið á heimasíðu verðlaunanna . Síðan tekur sigurvegari hvers lands þátt í lokakeppninni sem haldin verður í Helsinki í Finnlandi þann 26. maí næstkomandi.
Íslensku fyrirtækin Bókun, Herberia, Valka, Datamarket og Modio eru tilnefnd sem sprotafyrirtæki ársins.
En eins og VB.is greindi frá var Plain Vanilla valið sprotafyrirtæki árins á Norðurlöndunum í fyrra.