*

fimmtudagur, 27. júní 2019
Innlent 12. nóvember 2015 17:05

Fjárfesta í CCP fyrir 4 milljarða króna

New Enterprise Associates og Novator fjárfesta í aukinni þróun sýndarveruleikatækni hjá leikjaframleiðandanum CCP.

Ritstjórn
Aðsend mynd

New Enterprise Associates eða NEA og Novator, fjárfestingarfélag í eigu Björgólfs Thors Björgólfssonar, hafa fjárfest í íslenska leikjafyrirtækinu CCP fyrir heilar 30 milljónir bandaríkjadala, eða því sem um nemur 4 milljörðum íslenskra króna.

Nýja fjárfestingin verður nýtt til frekari þróunar á sviði sýndarveruleika. CCP hefur þegar tilkynnt um útgáfu tveggja tölvuleikja sem nýta sér sýndarveruleikatækni, EVE Valkyrie og Gunjack, sem koma út á Playstation og Samsung Gear sýndarveruleikabúnað.

NEA hefur lengi verið í fararbroddi í fjárfestingum á sviði tækni og heislugæslu.

Hilmar Veigar Pétursson, framkvæmdastjóri CCP, segir í tilkynningu að félagið telji að sýndarveruleiki muni ekki aðeins bylta tölvuleikjaiðnaðinum heldur tækniiðnaðinum í heild sinni. 

„Við vorum með í þessari þróun frá byrjun,“ segir Hilmar. „Þessi fjárfesting gerir okkur kleift að viðhalda forskoti CCP á þessu sviði.“

Stikkorð: CCP Novator Sýndarveruleiki Gunjack EVE Valkyrie NEA
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is