Líklegt þykir að tilkynnt verði um samruna bandarísku flugfélaganna American Airlines og US Airways í vikunni. Samruninn hefur verið í pípunum svo mánuðum skiptir eða allt frá því American Airlines óskaði eftir heimild til greiðslustöðvuna samkvæmt bandarískum gjaldþrotalögum í nóvember árið 2011.
Ef af verður þá mun sameinað fyrirtæki verða stærsta flugfélag Bandaríkjanna.
Bandaríska dagblaðið The New York Times segir í umfjöllun um málið á vef sínum að með samruna American Airlines og US Airways sé endir bundinn á samrunaferli í bandarískum fluggeira sem staðið hefur yfir meira og minna síðan árið 2001. Þegar yfir lýkur verði flugrisar í landinu þrír og önnur flugfélög teljandi á fingrum annarrar handar.
