*

miðvikudagur, 19. júní 2019
Fólk 8. ágúst 2018 10:22

Georg leiðir viðskiptastýringu hjá Iceland Travel

Georg Haraldsson hefur tekið við nýrri stöðu forstöðumanns Viðskiptastýringar hjá Iceland Travel.

Ritstjórn
Georg er tölvunarfræðingur með meistaragráðu í alþjóðaviðskiptum frá Háskólanum í Reykjavík og IE Business School.
Aðsend mynd

Georg Haraldsson hefur tekið við nýrri stöðu forstöðumanns Viðskiptastýringar hjá Iceland Travel. Georg er tölvunarfræðingur með meistaragráðu í alþjóðaviðskiptum frá Háskólanum í Reykjavík og IE Business School í Madrid. 

Hann hefur víðtæka reynslu af ferðaþjónustu og flugtengdri starfsemi frá fyrri störfum sínum hjá Iceland Express og Dohop.com. Einnig hefur Georg starfað um sex ára skeið við sölustýringu á alþjóðamarkaði hjá Marorku og Völku.

Iceland Travel á sér áratugalanga langa sögu og starfar á öllum sviðum íslenskrar ferðaþjónustu. Fyrirtækið vinnur með fjölda alþjóðlegra samstarfsaðila og tekur á móti vel yfir eitt hundrað þúsund ferðamanna á ári hverju. Þar er bæði um að ræða hópa og einstaklinga frá öllum heimshornum.

Að auki sér Iceland Travel um þjónustu við fjölda skemmtiferðaskipa og farþega þeirra á hverju sumri. Iceland Travel starfar á sviði fágætisferðaþjónustu, meðal annars undir merkjum Nine Worlds. 

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is