Glitnir var með næst stærstu markaðshlutdeildina í hlutabréfamiðlun í Noregi. Markaðshlutdeild Glitnis var um 7,37% af hlutabréfaveltu í kauphöllinni í Osló (OSE) í mars. Þetta kemur fram í tilkynningu frá Glitni.
Fimm veltumestu hlutabréfamiðlararnir í kauphöllinni í Osló í mars voru:
- SEB Enskilda ASA 7,69 %
- Glitnir ASA/Glitnir Securities 7,37 %
- DnB NOR Bank ASA 7,29 %
- Carnegie ASA 22 250 %
- ABG Sundal Collier Norge ASA 6,39 %
„Við erum mjög ánægð að sjá hvernig Glitnir heldur áfram að styrkja stöðu sína á sviði miðlunar á Norrænum hlutabréfamarkaði. Markaðshlutdeild Glitnis í Kauphöllinni í Osló hefur vaxið jafnt og þétt á síðustu misserum. Norskt efnahags- og fjármálalíf er mjög stöðugt og sterk staða Glitnis á þeim markaði skiptir okkur því töluverðu máli. Við erum bjartsýn á að staða okkar haldi áfram að styrkjast á þessu sviði enda hefur Glitnir yfir að ráða mjög öflugu teymi miðlara á þeim hlutabréfamörkuðum sem bankinn starfar á”, segir Már Másson, forstöðumaður kynningarmála hjá Glitni í tilkynningu frá félaginu.