Úrvalsvísitala kauphallar Nasdaq Iceland hækkaði um 1,18% í dag og endaði í 1,837 stigum. Þá hefur vísitalan lækkað um 2,29% frá áramótum.
Í dag hækkaði mest gengi bréfa Sjóvár, eða um 3,85% í viðskiptum sem hljóða upp á 207 milljónir króna. Verð á hvert bréf félagsins er þá 12,15 krónur. Einnig hækkaði gengi bréfa N1, eða um 2,87% í 484 milljóna króna viðskiptum. Verð á hvert bréf N1 nemur þá 57,4 krónum.
Hlutabréfavísitala GAMMA hækkaði um 1,3% í dag í 3,8 milljarða króna viðskiptum.
Skuldabréfavísitala GAMMA hækkaði um 0,3% í dag í 12,4 milljarða króna viðskiptum. Verðtryggði hluti vísitölunnar hækkaði lítillega í 0,4 milljarða króna viðskiptum og óverðtryggði hluti vísitölunnar hækkaði um 0,7% í 12 milljarða króna viðskiptum.
