*

þriðjudagur, 16. júlí 2019
Fólk 26. júní 2019 14:50

Guðný Rósa hættir hjá Festi

Guðný Rósa Þorvarðardóttir, sem sinnt hefur stöðu framkvæmdastjóra viðskiptaþróunar Festi hf. og Bakkans vöruhúss, hefur sagt starfi sínu lausu.

Ritstjórn
Guðný Rósa hættir sem framkvæmdastjóri hjá Festi
Aðsend mynd

Guðný Rósa Þorvarðardóttir, sem sinnt hefur stöðu framkvæmdastjóra viðskiptaþróunar Festi hf. og Bakkans vöruhúss, hefur sagt starfi sínu lausu. Í framhaldi af þessu hefur Festi hf. gert breytingar á skipuriti félagsins sem felast m.a. í því að viðskiptaþróun þess færist inn í einstaka rekstrarfélög,  þ.e. N1, Krónuna, Elko og Bakkann vöruhús. Þá mun Eggert Þór Kristófersson, forstjóri Festi hf. taka við framkvæmdastjórn Bakkans vöruhúss samhliða breytingunum en Guðný gegndi því starfi áður.

Guðný Rósa telur að það séu ekki síður tækifæri í því að hafa viðskiptaþróun inn í félögunum og með þessum breytingum straumlínulagar Festi hf. rekstur sinn og fækkar stoðsviðum sínum.

„Við teljum mikilvægt að  efla sjálfstæða viðskiptaþróun hvers félags fyrir sig og  styrkja þau hvert á sínu sviði. Með þessu móti nær hvert félag betri tengingu við bæði sitt einstaka viðskiptaumhverfi sem og að sjálfsögðu við sína viðskiptavini. Við náum á sama tíma að straumlínulaga reksturinn og fækka stoðsviðum,“ segir Eggert Þór Kristófersson, forstjóri Festi hf.

Guðný Rósa hefur sinnt stöðu framkvæmdastjóra hjá Festi hf. og N1 frá árinu 2015 og lætur af störfum um mánaðamót.  

„Ég vil nota tækifærið og þakka Guðnýju Rósu fyrir frábært samstarf og árangur hjá N1 og Festi undanfarin ár.  Miklar breytingar hafa verið á samkeppnismarkaði og rekstrarumhverfi eldsneytis-og þjónustustöðva og hefur Guðný Rósa leitt áherslubreytingar í verslunarrekstri og þjónustu við viðskiptavini  sem við munum taka áfram. Að auki hefur Guðný lagt grunn að nýjum tekjuöflunarverkefnum fyrir smásölu félaganna, stýrt samþættingu vöruhúsa og  leitt stafræna þróun Festi,“segir Eggert Þór.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is