HB Grandi hefur selt Þerney RE 101 til Suður-Afríku og verður frystitogarinn afhentur nýjum eigendum 15. nóvember næstkomandi. Þetta kemur fram í tilkynningu frá HB Granda.
Kaupandin er Sea Harvest Corporation og nemur söluverðið 13,5 milljónum dollara eða um 1,4 milljarðar íslenskra króna.
Samkvæmt tilkynningunni er tvöföld áhöfn á Þerney, en 27 eru í áhöfn hverju sinni. Mun HB Grandi aðstoða þá í áhöfn Þerneyjar sem ekki komast í pláss á öðrum skipum félagsins við atvinnuleit eins og kostur er.
Þerney RE 1 er frystitogari og er aflinn flakaður og frystur um borð. Þerney var smíðuð árið 1992 í Noregi og hefur verið gerð út af HB Granda frá því hún kom til landsins 1993.
