*

þriðjudagur, 24. nóvember 2020
Fólk 11. nóvember 2020 14:35

Ída nýr fjármálastjóri Keilis

Nýr fjármálastjóri Keilis - miðstöðvar vísinda, fræða og atvinnulífs, Ída Jensdóttir, hefur rekið sjálfstæða skóla.

Ritstjórn
Ída Jensdóttir er nýr fjármálastjóri Keilis.
Aðsend mynd

Ída Jensdóttir hefur verið ráðin nýr fjármálastjóri Keilis – miðstöðvar vísinda, fræða og atvinnulífs. Ída hefur að geyma allnokkra reynslu af rekstri sjálfstætt starfandi skóla og gegndi m.a. stjórnarsetu í stjórn Samtaka sjálfstæðra skóla á árunum 2009 – 2018.

Nú síðast starfaði hún sem verkefnastjóri í mannauðsteymi Hafnarfjarðarbæjar þar sem hún vann að innleiðingu fræðslukerfa ásamt fleiri verkefnum. Þar að auki hefur hún sinnt starfi framkvæmdastjóra bæði við Arnarskóla og leikskólann Sjáland.

Ída er útskrifuð með MBA gráðu frá Háskóla Íslands og B.Ed. í leikskólafræðum frá sama skóla.