Ingvar H. Ragnarsson hefur sagt upp starfi sínu hjá Landsbankanum en hann hefur starfað sem forstöðumaður eignastýringar bankans í tæp tvö ár. Þetta kemur fram í frétt DV .
Ingvar hóf störf hjá Landsbankanum í janúar 2013 en þar á undan starfaði hjá fjármálaráðuneytinu. Þar fór hann fyrir fjármögnun og skuldastýringu á innlendum og erlendum mörkuðum, meðal annars við undirbúning og framkvæmd á alþjóðlegum skuldabréfaútgáfum ríkissjóðs árin 2011 og 2012.
Ingvar var áður yfirmaður fjárstýringar Landsnets og þar áður framkvæmdastjóri fjárstýringar Glitnis, en hann starfaði hjá Glitni og forverum þess banka í rúm 10 ár. Ingvar er viðskiptafræðingur frá HÍ og hefur lokið prófi í verðbréfaviðskiptum.
