Þrátt fyrir mikla hækkun gengis krónunnar undanfarna daga er hún enn lág sögulega séð segir í Morgunkorni Glitnis. Þar er bent á að meðaltali hefur evran kostað 91 krónu frá floti krónunnar í mars 2001.
Evran hélst undir 100 krónum alveg frá floti þar til í byrjun mars í ár. Greiningardeildin bendir á að raungengi krónunnar, sem lýsir því hvernig krónan stendur gagnvart gengi gjaldmiðla helstu viðskiptalandanna leiðrétt fyrir innlendri og erlendri verðlagsþróun, segir að krónan stendur enn sögulega veik. Það gengi krónunnar sem tryggir ytra og innra jafnvægi hagkerfisins er talsvert hærra og er líklegt að krónan leiti i það jafnvægisgengi á næstu misserum segir í Morgunkorni Glitnis.
