Úrvalsvísitala Kauphallarinnar hækkaði um 0,65% í dag. Gengi bréfa Icelandair Group hækkaði um 3,21%, VÍS um 2,29% og TM um 2,28%. Ekkert félag lækkaði í verði í kauphöllinni í dag. Velta á hlutabréfamarkaði nam alls tæpum 2.055 milljónum króna og þar af námu viðskipti með bréf Icelandair um 1,2 milljarði króna.
Skuldabréfavísitala GAMMA hækkaði um 0,05% í afar litlum viðskiptum í dag. Verðtryggði hluti vísitölunnar hækkaði um 0,16% en sá óverðtryggði lækkaði um 0,21%. Velta í viðskiptum með skuldabréf í vísitölunni nam 951 milljón króna.
