Olíuverðið hefur lækkað um 9 dollara á tunnu síðan á mánudag

Heimsmarkaðsverð á olíu hefur verið að lækka ört í morgun og er nú skráð hjá Brent Crude Oil í London á 78,56 dollara tunnan. Verðið hefur einnig verið að lækka á markaði í Bandaríkjunum og var komið niður í 76,78 dollara tunnan. Eru þetta talsvert umskipti, því undir lok mánudags var verðið komið upp undir 89 dollara á tunnu á markaði í London.