*

þriðjudagur, 18. júní 2019
Erlent 1. febrúar 2019 08:03

Seðlabankar fylla gullhirslur sínar

Nettó fjárfesting seðlabanka heimsins á gulli nam 650 tonnum á síðasta ári.

Ritstjórn
Eðalmálmurinn gull gegnir enn mikilvægu hlutverki í alþjóðlegum viðskiptum.
Aðsend mynd

Seðlabankar hafa ekki verið jafn stórtækir á markaði með gull í meira en hálfa öld, að því er kemur fram í frétt Financial Times, en samtals festu þeir kaup á gulli fyrir 27 milljarða dollara á síðasta ári. Stærstu kaupendurnir voru seðlabankar Rússlands, Tyrklands og Kazakhstan en fjárfestinginn er liður í því að færa gjaldeyrisforða landanna úr bandarískum dollar yfir í eðalmálminn. 

Financial Times segir vaxandi óvissu á alþjóðaviðskiptum og þjóðhagslegu umhverfi, en tollar, viðskiptaþvinganir og deilur fyrir dómstólum, hafa í auknum mæli sett svip sinn á samskipti á alþjóðlegum vettvangi. Fyrir vikið hefur hlutdeild dollars í gjaldeyrisforða seðlabanka heimsins farið minnkandi og síðastliðið haust tilkynnti Alþjóða gjaldeyrissjóðurinn að hlutdeildin hafi ekki verið minni í fimm ár. 

Þessi stefnubreyting seðlabankanna hefur eðlilega haft mikil áhrif á verðmyndun á markaði með gull. Áhrifin voru sér í lagi mikil á síðari helmingi ársins 2018 og til dagsins í dag en á þriðjudaginn sl. hækkaði verð á gulli upp í 1.314 dollar og hefur ekki verið hærra í átta mánuði. 

Nettó fjárfesting seðlabanka á síðasta ári í gulli nam rúmum 650 tonnum en skv. Financial Times hafa seðlabankar heimsins ekki verið jafnstórtækir í kaupum á gulli síðan 1971 þegar gullfótinum var kippt undan bandaríska dollaranum, en þá var gullverði haldið föstu og var 35 dollar.  

Stikkorð: Gull seðlabankar
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is