Segir fyrirlestur Úlfsins á Wall Street víti til varnaðar

„Saga Belforts er víti til varnaðar um svikastarfsemi sem er látin óáreitt,“ segir Jón Gunnar Geirdal, sem stendur fyrir komu bandaríska fyrirlesarans Jordan Belford hingað til lands í maí. Belford hlaut dóm og himinháa sekt vegna fjársvika undir lok síðustu aldar. Belford gaf sig út fyrir að vera umsvifamikill fjárfestir í New York. Á daginn kom hins veggar að hann sveik fé út úr fólki. Kvikmyndin Wolf of Wall Street í leikstjórn bandaríka leikstjórans Martin Scorcese var tilnefnd til Óskarsverðlauna. Í myndinni lék stórleikarinn Leonardo Dicaprio Belfort.

Fram kemur í viðtali við Jón Gunnar í Fréttablaðinu í dag að miði á söluráðstefnu Belforts í Háskólabíói kostar allt að 50.000 krónur. Miðinn á fyrirlestur Belforts í Danmörku í september er margfalt ódýrari. Jón Gunnar segir ástæðuna þá að viðburðurinn í Danmörku er bara fyrirlestur. Belfort kenni þar ekki sölutækni og fái gestir engan aðgang að Belfort eins og hér. Ráðstefnan hér samanstendur af klukkutíma fyrirlestri, þriggja tíma Straight Line Persuasion-sölunámskeiði með spurt og svarað. Það segir Jón Gunnar dýrari útfærslu af því sem Jordan Belfort bjóði í Danmörku.