*

miðvikudagur, 20. janúar 2021
Innlent 9. desember 2020 14:20

Sektuðu 400 félög fyrir mistök

Skatturinn sendi um 400 íslenskum félögum stjórnvaldssekt í heimabanka fyrir mistök, sem hafa nú verið leiðrétt.

Ritstjórn
Húsakynni Skattsins við Laugaveg.
Eyþór Árnason

Skatturinn sendi um 400 íslenskum félögum stjórnvaldssekt í heimabanka fyrir mistök, samkvæmt tilkynningu á vef stofnunarinnar.

Í tilkynningunni er velvirðingar beðist á mistökunum, sem orsakast hafi af bilun í tölvukerfi, en hafi nú verið leiðrétt. Kröfurnar falli niður í heimabanka þeirra á miðnætti.

Ekkert kemur fram um upphæð eða eðli sektanna eða hvaða félög um ræðir, né hvort eitthvert þeirra hafi þegar greitt sektina.

Stikkorð: Skatturinn