*

fimmtudagur, 27. janúar 2022
Fólk 5. janúar 2022 11:05

Sigríður til liðs við Landsbankann

Sigríður Guðmundsdóttir er nýr mannauðsstjóri Landsbankans, en hún hefur um 15 ára reynslu af mannauðsstjórnun.

Ritstjórn
Sigríður Guðmundsdóttir, nýr mannauðsstjóri Landsbankans.
Aðsend mynd

Sigríður Guðmundsdóttir hefur verið ráðin til starfa sem mannauðsstjóri Landsbankans, en hún hefur um 15 ára reynslu af mannauðsstjórnun. Sigríður tekur við í byrjun febrúar, en þetta kemur fram í tilkynningu frá bankanum. Sigríður tekur við af Baldri Gísla Jónssyni, en hann hafði gegnt starfinu undanfarin ellefu ár.

Á árunum 2017 til 2020 starfaði hún sem mannauðsstjóri Eimskips. Áður var hún mannauðsráðgjafi hjá félaginu og verkefnastjóri starfsþróunar. Sigríður hefur einnig starfað sem ráðgjafi hjá Attentus en í dag starfar hún sem framkvæmdastjóri Fræðslumiðstöðvar atvinnulífsins.

Sigríður er með MBA-gráðu frá Háskóla Íslands. Hún hefur lokið námi í stjórnendamarkþjálfun (e. executive coaching) frá Háskólanum í Reykjavík, er með diplóma í fræðslustarfi og stjórnun frá Háskóla Íslands og B.Ed.-gráðu frá Háskólanum á Akureyri.