Hlutabréf í Asíu hækkuðu almennt í nótt þegar markaðsaðilar virðast hafa skipt um skoðun á afleiðingum sigurs Trump eftir töluverðar lækkun víða á mörkuðum í kjölfar þess að ljóst varð að Trump myndi sigra.
Þá færðu markaðsaðilar sig úr hlutabréfum yfir í öruggari fjárfestingar líkt og gull og skuldabréf en nú virðist sem bjartsýni hafi aukist á ný.
„Sigur hans kom öllum á óvart, en ég held að fólk hafi tekið eftir sáttatóni í ræðu hans,“ segir Alex Furber, stjórnandi hjá CM Markets.
„Greinendur eru að klóra sér í hausnum en ég held að lykillinn núna muni vera hvað hann gerir í stað þess sem hann segir.“
Hækkun í kjölfar hækkunar í Bandaríkjunum
Hlutabréfahækkunin í Asíu kemur í kjölfar hækkunar á Wall Street, sem hækkuðu vegna væntinga um að áætlanir hans um að lækka fyrirtækjaskatta og gera fyrirtækjum auðveldara að flytja fjármagn heim á ný muni blása auknum kraft í bandaríska hagkerfið.
Jafnframt voru fjárfestar bjartsýnir á að áætlanir hans í ríkisfjármálum myndu ýta við hagkerfið.
Helstu vísitölur á svæðinu:
- Nikkei 225 vísitalan í Japan hækkaði um 6,72%
- Kospi vísitalan í Suður Kóreu hækkaði um 2,26%
- Taiwan Weighted vísitalan hækkaði um 2,34%
- Hang Seng vísitalan í Hong Kong hækkaði um 2,12%
- Dow Jones Shanghai vísitalan í Kína hækkaði um 1,20%
- FTSE China A50 vísitalan hækkaði um 1,07
- S&P/ASX 200 vísitalan í Ástralíu hækkaði um 3,34%
- Dow Jones New Zealand vísitalan hækkaði um 0,99%