Standard & Poor's varar við því að til þess gæti komið að lánshæfiseinkunn Íslands verði lækkuð ef alþjóðleg lánsfjárkrísa heldur áfram að herja á bankana. Þetta kemur fram á Telegraph.co.uk .
Þar er einnig haft eftir aðalgreinanda Íslands hjá S&P að lækkun lánshæfiseinkunnar landsins úr núverandi A+ sé möguleiki og að lánshæfismatsfyrirtækið „skoði hvernig bankarnir muni komast af á þessum viðsjárverðu tímum“.
Greint er frá því að S&P hafi varað við því í nóvember að lánshæfiseinkunn landsins væri að verða fyrir auknum þrýstingi.
