Ístex áætlar að tekjur fyrir árið 2010 verði svipaðar og árið áður eða 560 milljónir króna. Fyrirtækið framleiðir handprjónaband úr íslenskri ull og kaupir ullina beint frá bændum og vindur úr henni band. Gert er ráð fyrir að framleiðslukostnaður aukist um 55 milljónir vegna hækkunar á ullarverði og aukins tilkostnaðar í framleiðslu. Miðað við ofangreint mun afkoma af reglulegri starfsemi verða jákvæð um nálægt 30 milljónir króna.
Í lok ársins voru hluthafar í félaginu 1.842 en voru 1.850 í upphafi árs. Fimm hluthafar eiga meira en 10% eða samtals 61,2 % af hlutafé. Fimm stærstu eigendur eru: Landssamtök sauðfjárbænda 15,5 %, Guðjón Kristinsson framkvæmdastjóri 11,4%, Jón Haraldsson verksmiðjustjóri 11,4%, Viktor Guðbjörnsson tæknimaður 11,4% og Jóhann Sigurðsson, fyrrverandi starfsmaður 11,4%. Fjöldi starfsmanna er 53.
