Um 80% landsmanna telja Landsvirkjun skapa mikil verðmæti fyrir íslenskt samfélag samkvæmt könnun sem Capacent vann fyrir Landsvirkjun.
Þetta kemur fram í tilkynningu frá Landsvirkjun en þess má geta að haustfundur Landsvirkjunar verður haldinn á morgun.
Spurt var í könnuninni; Hversu mikil eða lítil verðmæti skapar Landsvirkjun að þínu mati fyrir íslenskt samfélag?
Sem fyrr segir telja um 80% aðspurðra að fyrirtækið skapi frekar eða mjög mikil verðmæti fyrir samfélagið. Tæplega 10% svarði hvorki mikil né lítil og tæplega 10% sögðust telja að Landsvirkjun skapaði frekar eða mjög lítil verðmæti fyrir íslenskt samfélag.
Rétt er að geta þess að í tilkynningu Landsvirkjunar kemur ekki fram hvernig svörin dreifast með tilliti til aldurs, tekna,kyns, menntunar eða byggðarþróun.