Nýherji var að venju fyrsta fyrirtækið til að birta uppgjör sitt og er aðalfundur félagsins á morgun. Í framhaldinu munu kauphallarfyrirtækin eitt af öðru birta uppgjörum fyrir fjórða ársfjórðung.
Í næstu viku munu allir bankarnir skila inn uppgjörum en Glitnir og Straumur ríða á vaðið á þriðjudaginn og Kaupþing og Landsbankinn fylgja í kjölfarið á fimmtudag og föstudag. „Í árferði líkt og því sem nú ríkir á mörkuðum er óhætt að segja að uppgjöranna sé beðið með óþreyju enda eru þau líkleg til að varpa ljósi á þá óvissu sem hefur stýrt mörkuðum undanfarna mánuði," segir í Morgunkorni Glitnis
Uppgjörin munu birtast þannig:
Glitnir 29. janúar
Straumur 29. janúar
Eimskipafélagið 31. janúar
Bakkavör 31. janúar
Exista 31. janúar
Kaupþing 31. janúar
Teymi 31. janúar
Landsbankinn 1. febrúar
Össur 5. febrúar
Spron 6. febrúar
365 6. febrúar
