Steingrímur J. Sigfússon, formaður VG fékk afgerandi kosningu, að sögn flokksins, í fyrsta sæti í forvali Vinstri grænna í Norðausturkjördæmi.
Samkvæmt tilkynningu frá flokknum var kjörsókn tæplega 63% en alls gaf 21 félagi kost á sér í forvalinu.
Vinstri grænir hafa ekki birt nákvæmari tölur úr forvalinu og því hefur ekki komið fram hversu mörgu atkvæði hver frambjóðandi fékk í hvert sæti.
Kosið var um átta sæti og frambjóðendur raðast þannig:
- Steingrímur J. Sigfússon
- Þuríður Backman
- Björn Valur Gíslason
- Bjarkey Gunnarsdóttir
- Þorsteinn Bergsson
- Hlynur Hallsson
- Dýrleif Skjóldal Ingimarsdóttir
- Jóhanna Gísladóttir
Vegna reglna um kynjajafnrétti á listum Vinstri grænna færist Dýrleif Skjóldal upp fyrir Hlyn Hallsson.