Það telst alltaf til tíðinda þegar nýr RX kemur fram á sjónarsviðið því þar má ganga að sönnum gæðum vísum hvort sem litið er til vélbúnaðar eða vandaðrar innréttingar og fyrsta flokks frágangs.
RX er flaggskip sportjeppalínu Lexus enda stór og stæðilegur og vel búinn þægindum.
Hönnuðir Lexus ákváðu að nota snældulaga yfirbyggingu við hönnun nýjasta RX-bílsins. Þetta skilar sér í því að nú fellur grillið betur inn í yfirbygginguna og gefur tilfinningu lágri þyngdarmiðju.
Fyrirferðarminni og rennilegri aðalljós, loftinntök og aukin sporvídd (15 mm) undirstrika enn frekar stöðugt útlitið sem geislar af sjálfstrausti.
Þreföld LED-ljósin með sjálfvirku BladeScan®-háljósakerfi eru rennileg. Ný einkennandi Llaga ljósahönnun Lexus nær yfir alla breidd nýjasta RX-bílsins að aftan. Þessi afturljósalína undirstrikar einstaka lögun bílsins og aukin sporvídd (65 mm) gefur honum sterklegan svip og kraftmikla nærveru á vegum úti.
Innanrýmið er fallega hannað og þægindum búið. Lexus einblínir hér á Tazuna hönnunarhugmyndina. Hún dregur nafn sitt af japanska orðinu yfir reiðtygi og miðar að einfaldri og milliliðalausri stjórn.
Upplýsingatæki eins og margmiðlunarskjárinn, stakur mælirinn og sjónlínuskjár eru hlið við hlið. Einfaldleikinn er hér við völd en ákveðinn klassi yfir því.
Farþegarýmið er nánast hljóðlaust og skapar fullkominn vettvang fyrir nýtt og sérhannað 21 hátalara Mark Levinson Premium Surround Sound-hljóðkerfi.
Með stemningslýsingu, sem er nýjung í Lexus, er hægt að sérsníða umhverfislýsinguna með 64 litum. Það fer vel um ökumann og farþega og það er nóg plass. Sætin í sportjeppanum eru afar þægileg og veita góðan stuðning.
Nánar er fjallað bílinn í blaðinu Bílar sem kom út 26.maí. Áskrifendur geta lesið greinina í heild hér.
