Lífeyrissjóður starfsmanna ríkisins, LSR, hefur ráðið Vilhjálm Pétursson í starf sjóðstjóra á eignastýringasviði. Vilhjálmur kemur inn í innlent teymi eignastýringar, með áherslu á óskráð verðbréf og fjárfestingagreiningar. Hann mun hefja störf hjá LSR innan skamms, að því er kemur fram í tilkynningu.
Vilhjálmur hefur starfað sem sérfræðingur og verkefnastjóri hjá fyrirtækjaráðgjöf Landsbankans frá árinu 2012.
Hann er með BS-gráðu í viðskiptafræði frá Háskóla Íslands frá 2009 og MS-gráðu í fjármálum og alþjóðaviðskiptum frá Aarhus School of Business frá 2011. Vilhjálmur hefur lokið prófi í verðbréfaviðskiptum.
