Afmælisgestir Eimskips á tónleikum - myndir

Stjórnendur Eimskips blésu til tónleika í Hörpu 17. janúar síðastliðinn í tilefni af 100 ára afmæli fyrirtækisins. Á tónleikana mætti fjöldi starfsmanna Eimskips og viðskiptavina.

Tónleikarnir voru hljóðritaðir og verða sýndir á Stöð 2 um páskana.

Á tónleikunum komu fram margir af ástsælustu tónlistarmönnum þjóðarinnar og fluttu vinsæl dægurlög síðustu ára. Fleira verður gert til að fagna afmælinu. Meðal annars hefur heimildamyndin Saga Eimskipafélags Íslands verið gerð. Hún er í tveimur 40 mínútna þáttum sem sýndir verða á RÚV dagana 2. og 9. febrúar.