„Okkur fannst vanta upplýsingar fyrir hundaeigendur,“ segir Geir Gígja, hundaeigandi og stofnandi vefsíðunnar bestivinur.is . Á vefsíðunni er að finna alls konar upplýsingar fyrir hundaeigendur.
Hugmyndin að vefsíðunni kviknaði þegar Geir Gígja ferðaðist um landið með fjölskyldu sinni og hundi en fannst vanta upplýsingar fyrir hundaeigendur um hvar opin svæði væri að finna fyrir hunda.
„Þetta var kveikjan að síðunni en síðan höfum við verið að bæta við upplýsingum fyrir hundaeigendur,“ segir Geir. Síðan fór í loftið fyrir viku.
