Hlutabréfamarkaðir hafa hækkað í Evrópu í morgun en FTSEurufirst 300 vísitalan hefur hækkað um 2,7% þegar þetta er skrifað kl. 10:20 en hafði fyrr í morgun farið yfir 3% hækkun.
Reuters fréttastofan segir banka og fjármálafyrirtæki leiða hækkanir í morgun.
FTSE 100 vísitalan í Lundúnum hefur hækkað um 3,2%, í Amsterdam hefur AEX vísitalan hækkað um 2,6% og í Frankfurt hefur DAX vísitalan hækkað um 2,9%.
Þá hefur OMXC vísitalan í Kaupmannahöfn hækkað um 2,2% og OBX vísitalan í Osló hefur hækkað um 0,8%.
