Angela Merkel og Nicolas Sarkozy kyssast

Ítalski fataframleiðandinn Benetton fer ekki hefðbundnar leiðir í auglýsingum og hafa margar auglýsingar fyrirtækisins farið fyrir brjóstið á mörgum. Núna tekur Benetton mjög hugað skref með því að reyna að vekja athygli með því að láta þekkta þjóðar- og trúarleiðtoga kyssast. Barack Obama er sýndur kyssa Hu Jintao, leiðtoga Kínverja og Hugo Chávez leiðtoga Venezuela. Einnig sýnir ein auglýsingamyndin Angelu Merkel kyssa Nicolas Sarkozy.

Með þessu ætlar Benetton að fá ókeypis auglýsingu í gegnum mikla dreifingu á netmiðlum en herferðin ber heitið "Unhate".

Herferðin verður einnig birt í prentmiðlum á borð við Newsweek, New York Magazine og Monocle. New York Times neitaði að birta auglýsinguna samkvæmt frétt Wall Street Journal.

Hér má lesa frétt í Wall Street Journal.

Vatíkanið á Ítalíu er ekki mjög sátt við þessa mynd.