Arnór Guðmundsson hefur verið endurskipaður í embætti forstjóra Menntamálastofnunar til næstu fimm ára en þrír einstaklingar sóttu um starfið samkvæmt tilkynningu Mennta- og menningarmálaráðuneytisins.
Arnór hefur starfað undanfarin fimm ár sem forstjóri Menntamálastofnunar. Áður starfaði hann hjá mennta- og menningarmálaráðuneyti sem skrifstofustjóri, þróunarstjóri og deildarstjóri.
Arnór Guðmundsson er með doktorsgráðu í félagsfræði frá University of Minnesota og BA gráðu í félagsfræði frá Háskóla Íslands. Þá lauk Arnór diplómaprófi í verkefnastjórnun og leiðtogaþjálfun frá Endurmenntun Háskóla Íslands.
Menntamálastofnun tók að fullu til starfa þann 1. október 2015. Starfsmenn stofnunarinnar eru 62 talsins samkvæmt vefsíðu hennar.
